Полицијата ги казнува несовесните возачи.
Неспорен е впечатокот дека сообраќајците секојдневно се во акција и ги казнуваат сите учесници во сообраќајот. Портпаролот на СВР Охрид м-р Стефан Димоски, вели дека ред и дисциплина во сообраќајот мора да има а возачите и другите учесници, мора да ги почитуваат сообраќајните правила и прописи и токму затоа, сообраќајните контроли ќе бидат и понатаму интензивни.
Според Димоски, при вчерашните контроли „извршени од 09 до 13 часот, полициските службеници во Охрид, на вонреден технички преглед упатиле 04 моторни возила при што кај 02 биле констатирани технички неисправности, од сообраќај исклучиле 01 моторно возило, регистрирале 06 прекршоци на непрописно запирање и паркирање моторно возило како и 03 прекршоци за мотоциклисти. Во истиот период, полициските службеници во Струга, евидентирале 06 прекршоци за непрописно запирање и паркирање моторно возила, кои се подигнати со специјално возило“.