Во Вевчани нема веќе активни случаи на корона вирусот. Просторот Лабуништа, Велешта, Октиси, Подгорци, Татеши, регион од 20 илјади жители прогласи победа на вирусот.
Ковид одделот е празен, а Здравственит дом „Д-р Светозар Чочороски“ во Вевчани се врати на нормалното функционирање.
–„Се вративме на нормално работење, функционира мамографијата, функционира новата каридолошка амбуланта. За месец дена ќе почне со работа и кабинетот за физикална. Патологијата на болестите е веќе нормализирана“, вели Јован Стојкоски директор на Здравствен дом во Вевчани.
Истовремено тече вакцинацијата, над 30 % од населението од општина Вевчани е измунизирано, а на ниво на регион 7% од населението прими вакцина против корона вирусот.
–„Старосната граница над 60 години е некаде 60%, над 70 години преку 80% се имунизирани. Додека од целиот регион што го покриваме малку е послаба заинтересираноста, но во псоледно време веќе има заинтересираност“, вели Стојкоски.
Стивна пандемијата и во градот Струга, во модуларната болница има само четири хоспитализирани пациенти. Здравствените работници работат на убедување на жителите од струшките села за што помасовна имунизација.
Новинар Соња Рилковска