Струшките активисти бараат решавање на проблемот со депониите во регионот.
Двете депонии, една во градот Струга, другата на превојот Буково го загадуваат сливот на Охридското езеро, а нивното затворање е една од препораките за зачувување на статусот на Унеско.
Идејата за изградба на современа депонија во Југозападниот регион во земјава со години тапка во место. Не е предвидена ниту локација откако поради протести отпадна селото Годивје во Дебрца.
-„Во нашиот закон, во нашата легислатива е забрането псотоење на вакви нестандарди депонии.Тука не зборуваме за одржување овие депонии се нестандардни, нелегални поставени се спротивно на сите правилници за поставување депонии и треба да не постојат“, вели Глигорие Ќатоски правик и активист од Струга.
Ова лето состојбата е алармантна во Буково, депонијата секојдневно гори и загадува. Правниците од Струга им понудија помош и на жителите, кои организираа протести, правда да бараат преку судска постапка.
„На правен начин да се преземат некои мерки и чекори , во стилот што го направивме и со струшката депонија. Да се преземе соодветна правна акција за да побараме државата да си ги врши своите обврски согласно законот за управување со отпад и законот за ивотна средина“, додава Ќатоски.
Во меѓувреме тече судската постапка за струшката депонија по првата граѓанска тужба поднесена од Здружението млади правници, против министерството за животна средина, општина Струга и комуналното јавно претпријатие.
Новинар Соња Рилковска