Од утре (29 април) стапува на сила нов сообраќаен режим на автопатската делница Охрид–Кичево, при што се затвораат сите привремени споредни влезови и излези кај селата Требеништа и Мешеишта, информираат од СВР Охрид.
Возачите ќе мора да користат само еден официјален пристап – клучката во близина на аеродромот „Св. Апостол Павле“, до која се пристапува преку споредни патишта надвор од автопатот.
Од полицијата апелираат на максимална внимателност и почитување на правилата, нагласувајќи дека:
- строго треба да се следи поставената сигнализација
- да се почитуваат насоките на полициските службеници
- да не се прават обиди за непрописно вклучување на автопатот
Ќе има засилени контроли на овој потег, а за прекршителите се најавени санкции, со цел да се спречат ризици и да се зголеми безбедноста во сообраќајот.