За првото место во општина Охрид на претстојните предвремени избори за градоначалник ќе се натпреваруваат официјално четворица кандидати.
Двајца реномирани доктори, еден инженер и еден полицаец.
Доктор Митре Милошевски е кандидатот на опозицијата Вмро Дпмне. Познат , врвен неврохирург кој долги години рбаоти во специјалната болница за ортопедија и трауматологија Свети Еразмо. Важи за народен, отворен човек, кој секојдневно добива поддршка од граѓаните.
Доктор Константин Георгиески е интернист, сопственик на една од најпознатите приватни ординации во градот „Дарон“. Млад, но докажан доктор со илјадници пациенти.Георгиески беше носител на листата на советници на СДСМ и заменик градоначалник во општина Охрид. Неговата предност е што тој го наследи првото место во општината по ненадејната смрт на градоначалникот Јован Стојаноски, па има прилика одблизу да се запознае со состојбата во општината и да ја води.
Третиот е Милчо Трендафилов Нанче инжинер и познат бизнисмен. Тој на овие избори ќе настапи како кандидат на партијата ГДУ. Неговата желба е обединување на ВМРО ДПМНЕ и СДСМ.
Четвртиот со амбиции за прв човек на градот е полицаецот Стевчо Стевоски, кој на минатите избори за градоначалник на Охрид настапи како независен кандидат, а овој пат настапува како кандидат од Демократи.
Охриднет.ком