Охрид треба да привлекува туристи преку цела година. За да се остварува тоа мора да се работи на развој на алтернативен активен туризам и подигнување на стандардите на услугите.
– „ Од аспект на перспективите на туризмот во Охрид би сакал да кажам едно мое размислување. Дека оној плажарски масовен туризам треба да го сотавиме зад нас, треба да се посветиме многу повеќе на активниот туризам. Како што рече еден пријател го имаме најголемиот неискористен спортски терен во Македонија тоа е Охридското езеро и тука има огромна можност за развивање на едрилиарскиот спорт“, вели Будимир Соколовиќ од винарија „Мал Свети Климент“.
За да развиваме водени спортови потребна е изградба на марина.
– Дваесет години зборуваме за изградба на марина. Сите сме свесни дека тоа мора да го направиме ако сакаме напредок“, додава Соколовиќ.