Тамче претоварено со сено „продефилира“ низ туристички Охрид.
На булеварот „Туристичка“, пред два дена „продефилира“камионче „Там“ претоварено со бали сено. Се чини товарот е три пати поголем од капацитетот на Тамчето, кое, забрефтано возеше по булеварот а потоа на патот кон Велестово. Совесниот возач воопшто не мислел на безбедноста во сообраќајот и на можноста да предизвика опасност по другите возила и патници при евентуално паѓање на дел од балите. Важно е тој да си ја заврши работата од прва а не да прави неколку тури по пеколното сонце. За среќа, ризичниот транспорт помина без поголеми проблеми а возачот, најверојатно без казна од полицијата.
