Попладнево, мотор се „сруши“ на кружен кај Охридска банка.
Нема повредени при удар на мотор во возило на кружниот тек на почеток на булеварот „Македонски просветители“. Мотор со италијански таблици, во сообраќајната гужва, околу 14 часот удрил во возило и заедно со моторциклистот паднал на улицата. Веднаш пристигнале полицајци кои му помогнале на моторџијата. Настана мал застој во сообраќајот а потоа моторџијата си замина.Моторџијата бил дел од поголема група туристи-моторџии кои денеска гордо продефилираа низ Охрид упатувајќи се кон пристаништето.
