Изложба – „Митско-библиски асоцијации“

Во просториите на Куќата на Робевци во Охрид,на 7 јуни 2019 година,беше отворена изложба на уметнички фотографии од Анастас Ќушкоски од Вевчани на тема „Митско-библиски асоцијации“.

За Митско-библиските асоцијации“зборуваше писателот Славе Ѓорго Димоски,кој истакна дека човекот отсекогаш бил опседнат со тајните на природата па така и авторот на овој сликопис.

-„Тој,преку имагинативната моќ на својот фотообјектив,во него препознава и открива митското,божественото,религиското,па дури и човековата реинкарација.Притоа,секоја една необична форма во дрво или камен,може да побуди асоцијација на страдањата од Богочовекот,да се јават реминисцентни слики од крвавата палета – како божји претсказанија,синовиденија,опомени за човекот.
Тој широк спектар на фантасмагорични претстави може да се отслоика и во човековата потсвест.Па така,од реалниот свет се добива нова естетско – визуелна димензија што во случајов е претставена преку овој циклус на фотографии наречен „Митско-библиски асоцијации“истакна Славе Ѓорго Димоски.

Додека пак,за автобиогравскиот дел на Ќушкоски зборуваше истакнатиот македнски писател Мирко Томоски,кој во своето излагање истакна:

-„Анастас Ќушкоски е роден 1942 година во Вевчани.Има завршено Економски факултет во Прилеп.На културната јавност и е познат како драмски автор,сценарист,режисер,поет,истражувач,но и како пасиониран фотограф.Со фотографија се занимава од 1957 година,а перманентно од 1980 година.Досега приредил преку 25 самостојни тематски изложби во земјава и во странство.За сиот тој труд има добиено повеќе признанија и награди,потврди Томоски.
Во преполнатиот изложбен дел во куќата на Робевци,на присутните кратко се обрати авторот,кој се заблагодари за масовната посета на љубителите на уметничката фотографија“

автор СТОЈАН КУКУНЕШОСКИ