Во текот на изминатиот викенд (17-18 Септември) се одржа Охрид Ултра-Треил, меѓународен спортски настан во природа, во рамките на Националниот Парк Галичица и Преспанско-Охридскиот регион.
Третото издание на овој настан во планинско ултра-трчање опфаќаше 4 трки со дистанци од 107км, 66км, 40км и 20км и е закажано на 17-19 септември 2021 година. Стартуваа 269 натпреварувачи oд 20 земји и ќе има вклучено преку 60 волонтери во самата организација. Настанот помина во одлична атмосфера и со голем успех и покрај големите предизвици кои беа предизвикани од временските услови кои во даден момент се влошија во високите делови на планината.
Сите победници беа прогласени денес во 11 часот во центарот на Охрид во славеничка атмосфера, од која ви испраќаме пар фотографии во прилог. Сите победници добија медал, беа поздравени од организаторите и поддржувачите на трката – заедно со скромен пакет награди за да го одбележи нивниот успех.
