Бројни и интересни поетски настани на Струшките вечери на поезијата.
Меѓународното поетско читање „Мостови“ и врачување на наградите „Златен венец“, „Браќа Миладиновци“ и „Мостови на Струга“, вечерва во 20.30 часот, ќе се одржат на мостот на поезијата во рамките на годинешниот поетски фестивал „Струшки вечери на поезијата“. Пред тоа, поетите учесници ќеимаат излет со брод до манастирот Св. Наум и посета на изворите на реката Црн Дрим и поетско читање во предворјето на манастирот „Св. Наум“. Веднаш по „Мостови“, предвиден е настанот „In Vino Veritas“: прогласување на најдобрата песна посветена на виното како и прогласување на добитникот на наградата „Енхалон“.