Ногачески одговори, за две години не потрошил денар на репрезентација

Расипничко и нетранспарентно работење на градоначалникот Ногачески. Така сте напишале, а сте презентирале податоци од друг субјект, а не од општината, одговори градоначалникот на обвинувањата од ВМРО ДПМНЕ.

-На погрешна врата сте тропнале. Аманте бе, прашајте ако не знаете, оти сите Ви се смеат. Или сакате да билдате партиски рејтинг , а порталот рејтинг на читаност, критикувајќи го Ногачески. Ако не сте знаеле, а сто пати сум кажал, ќе Ви повторам , оти repeticio est mater studiorum. Ногачески раководи со општина Дебрца. За две години Ногачески потрошил:

0 ( читај нула ) денари за репрезентација,

0 ( читај нула ) денари за дневници, И така ќе биде докрај. А колку потрошил Вашиот градоначалник Трајкоски за бргу ќе видите, отчетно и транспарентно. А за податоците кои сте ги објавиле обратете се на вистинската адреса, ( и од таму ќе си го добиете одговорот ), иако лично мислам дека и тие суми што таму ги имате објавено, а што ги потрошило ЈКП се обична смешка во однос на трошењата на Вашиот градоначалник, кој само со една сметка има потрошено толку пари. Имајте убав ден. П.С. И да, сте напишале дека сум бил во заминување. За Ваше инфо, уште 22 месеци немам намера никаде да одам, не грижете се, тука сум, со граѓаните на Дебрца, одговори Ногачески.

Social profiles

Охрид

Струга

Вевчани