Охрид подготвен за Бадникова поворка

Охрид е подготвен за Бадниковата поворка. На градскиот плоштад пристигна џиновската Бадникова пештера.

Стотици  деца  вежбаат и ја учат песната Вечниот бог, за на празникот  Бадник по шести пат  со свеќи во раце, кандила и ѕвезди ќе го наговестат  Христовото раѓање во Охрид.

Децата ќе ги поминат  централните градски улици а на крајот ќе одат на  молитва и Бадникова трпеза во црквата “Света Богородица Каменско”.

Ова е шеста година по ред во Охрид да се организира величествената Бадниковата поворка полна со колендарчиња кои сееат радост низ целиот град.