Традиционално за првомјските празници, Охрид преполн со туристи. Бродовите ги кренаа сидрата, запловија кајчињата, голема посетеност на излетничките места, културно-историските споменици, музеите, рестораните и кафулињата.
Најбројни се туристите од земјава и соседството, особено Србија и Грција, но забележливо е присуство и на организирани групи од Европа и далечниот Исток.
Анкета:
За две ноќи и патот не чинеше 90 евра.
Цените се супер. Ние сме цела група, бевме на тврдината, утее имаме крстарење убаво е.
Имате добра храна, баш е убаво.
Бев во Охрид во осумдесеттите, доста се променило, но убаво е. Добри се цените има избор.
На Балканска тура сме, ни се допаѓа.
Многу е убаво тука
Многу убава атмосфера има во Охрид.
Малку поскапо од Ресен ама е убаво.
Охрид сè уште важи за достапна и евтина дестинација, особено атрактивна за младите од Србија.
-Охрид е нашата најдобра дестинација за Нова година и 1 Мај. Цената беше навистина пристапна, преку нашата агенција имавме ласт минут понуда 50 евра по лице. Три ноќевања, четири денови и седум забави, велат туристички водичи од Србија.
-Доаѓаат најмногу млади. Забава на брод , воглавно овде има најубави забави, вели туристички водич од Србија.
Први Мај се смета за почеток на туристичката сезона. Според официјалната статистика во периодот јануари – февруари годинава бројот на туристи е зголемен за 6.0 %.