Спортскиот дел од третиот ден на Ohrid Water Festival го завршивме со водени лудории на Градскиот базен „Атина Бојаџи“.
Премногу позитивна енергија, забава и натпреварувачки дух преовладуваше помеѓу учесниците. Дополнително на тоа овој настан имаше и хуманитарен карактер, па така, финансиските средства собрани од котизација на учесниците беа донирани на Дневниот центар за лица со интелектуална попреченост „Зраци“.
Денеска на репертоарот на спортскиот дел е турнир во едрење и трка со суп даски.
Синоќа забавната програма беше отворена со концерт на Ѓоко Танески.
Вечерва изложба на подводни фотографии под наслов “Потонато културно историско богатство”, во рамките на социјално едукативната програма во склоп на “Ohrid Water Festival”, во организација на Нуркачки клуб АКВАТЕК, Охрид, со почеток во 19:00ч, пред платото на Хотел Палас.
А во петок следува промоција на охридската традиционална храна.