Еден од највредните археолошки локалитети „ Горна Порта“ во Охрид деновиве затрупан со градежен шут.
Несовесни граѓани расфрлале тули и земја на местото каде во минатото е пронајден еден од најскапоцените артефакти во земјава. Во ископините беше откриена златната маска, златна ракавица, сребрени предмети и килибар со непроцелива културна историска вредност.
Просторот е необележан и обраснат со трње, а се користи и како паркинг за локалното население.
– „Овој археолошлки локалитет служи како паркинг и како депонија за локалното население. Државата не води никкава грижа се` е оставео така“ вели Никола Паскали археолог.
Општината го расчиси отпадот и го осуди несовесното однесување.
-„Упатувам јавна осуда за сторителите, а воедно и апел до граѓаните да покажат повисоко ниво на еколошка свест за сочувување на ваквите локации кои имаат големо значење за нашата историја и култура“ повика градоначалникот.
– „Ние веќе не го заслужуваме ова. Треба да се разбереме дека ова не е само наше туку на цел свет ние потрфливме како општество и како држава.“, вели Паскали.
Директорката на Завод и Музеј појаснува дека градежниот шут, одложен од страна на несовесни граѓани бил на локација која е приватен имот и тие се немоќни да реагираат.
Новинар Соња Рилковска