Во ОЕМУЦ „Св. Наум Охридски“ се реализираат низа нови инвестиции за подобрување на условите за учениците.
Се поставува нов под во ходничните простории и нови огради на скалите во училишната зграда. Вкупната сума за изведување на овој зафат изнесува 1.700.000 денари. Се асфалтира подлогата на спортските терени и дворното место, по што ќе се постават спортските реквизити и заштитната ограда. Средствата издвоени за оваа намена изнесуваат 7.000.000 денари. Претходно, се изврши поплочувањето на платото пред влезот во училиштето, информира градоначалникот Константин Георгиевски.