После десет години се отвораат нови рекреативни патеки во околината на општина Вевчани. Старите заборавени патеки, кои водат до Црн Камен, Вевчанските локви, Летничките езера беа непристапни, обраснати со трње.
Оваа сезона атрактивните локалитети ќе бидат достапни за пешачење и возење велосипед. Во рамките на проектот „Вевчани без кал“, привршува уредувањето на улиците и локалните патишта во општината.
– „Ќе можат да пешачат, да возат велосипед, да се искачуваат на Виа фератата Вевчани ја зглемува туристичката понуда и станува една поатрактивна дестинација не само во регионот туку и во земјава“, вели Сашо Јанкоски градоначалник на општина Вевчани.
Во Вевчани почна туристичката сезона, доаѓаат голем број странски туристи. До крајот на јуни, во употреба ќе биде ставен и новиот туристички центар.
„Зголемен е бројот на туристи во Вевчани тоа е видливо. Имаме доста Полјаци, имаме гости од Израел. Бројот на туристи се зголемува гледам задоволство на лицата на сопствениците на угостителските локали. Почнува да се враќа животот во нормала“, додава Јанкоски.
Ввчанските извори се главната туристичка атракција на Јабланица. Пред ковид кризата просечно годишно ги посетуваа околу 50 000 туристи. Станува збор за недопрена природа и еколошка зона од прв степен на заштита.Во таа насока вработени се ренџери и поставени се камери за мониторинг на криволовците.
Новинар Соња Рилковска