Во пресрет на празникот Св. Атанасиј – славата на Белчишта, денес пред општинската зграда свечено беа пречекани „Крстите“, во духот на вековната традиција и православните обичаи.
Градоначалникот на Општина Дебрца, Златко Сиљаноски, информираше дека со заедничка молитва и благослов било побарано здравје, мир и бериќет за сите жители.
„Да си ја чуваме и негуваме традицијата што ни ја оставиле старите. Со верба во Бога, за многу години нека е празникот и за здравје во секој дом“, порача Сиљаноски.
Жителите на Белчишта и годинава со почит кон традицијата го одбележуваат празникот Св. Атанасиј, кој претставува значаен духовен и културен симбол за селото и регионот.
