Стапува на сила новото име на државата! Вечерва во Службен весник ќе бидат објавени уставните измени кои ги изгласа Собранието, потврди за НоваТВ директорот на Службен весник Мартин Костовски.
Со што и официјално новото име на државата Република Северна Македонија стапува на сила.
Објавувањето следува откако грчкиот Парламент го ратификуваше протоколот за пристапување во НАТО, и испрати Вербална нота.
По ова, МНР ќе треба да ги извести Секретаријатот на Обединетите Нации, набљудувачите на ОН, и другите меѓународни организации за настанатата промена.
Со објавување во Службен весник новото име влегува во употреба и во рамките на државата.
Првин ќе се променат таблите на граничните премини и државните институции.
Личните документи и пасошите ќе треба да се променат во рок од 5 години.