Строго се забранети посети во модуларните болници во Охрид и Струга

Не се дозволени посети на ковид позитивните пациенти, кои се лекуваат во модуларните болници во Охрид и Струга.

Блиските на болните сите информации за пациентите ги добиваат во амбулантата од медицинскиот персонал. Станува збор за исклучително заразна болест , па токму затоа недозволено е да се посетуваат заболени од корона. Медициснкиот персонал работи под посебни протоколи, скафандери, заштитни маски, визири, ракавици и дезинфекциони средства за заштита од вирусот. 

Во Ковид болниците во Охрид и Струга строго се забранети  посети во модуларните болници, тврдат директорите. 

-„Не смеат да влегуваат посетители во модуларната болница. Досега никој не влегол. Вратите се заклучени, а информациите се добиваат во амбуланта“, вели Горан Балевски за Охриднет. 

Иста е состојбата и во Струга. 

-„Шест сестри и тројца лекари се грижат за ковид пациентите во модуларната болница во Струга. Посети на болните се строго забренети и не се дозволуваат“, вели Арменд Арслани директор на струшката болница. 

Прашањата следуваат после страотниот пожар во тетовската болница, каде на роднините им се дозволувало да влегуваат како придружба на болните во модуларната болница.