Општина Струга упати јавен повик до професионалците од дијаспората кои сакаат активно да се вклучат и да придонесат со своето знаење, експертиза и професионално искуство во развојот на општината.
Повикот е наменет за стручни лица од повеќе области, меѓу кои јавна администрација и управување, економски развој и инвестиции, информатички технологии и дигитализација, урбано планирање и животна средина, образование, здравство, проектен менаџмент и ЕУ фондови, право, финансии, иновации, како и други релевантни области.
Соработката може да се реализира преку менторство, професионално советување, обуки, предавања, како и преку ангажман во конкретни краткорочни или долгорочни проекти.
Од Општина Струга информираат дека заинтересираните треба да достават професионална биографија (CV) и да наведат префериран начин на ангажман, на електронската адреса info@struga.gov.mk.