Состојбата со голема кашлица во охридско струшкиот регион стабилна. Се бележи висок процент на вакцинација, во струшко дури 98,8% од децата се вакцинирани со дитипер и полио, а во охридксиот регион околу 82% од децата се имунизирани.
Малку понизок процент од 80 % има за првата ревакцина, која децата ја примаат на возраст од 1,5 година, причината е во тоа што во истиот период се прима и вакцината за морбили, за која во последните години се крена непотребна фама, со неиздржани изговори дека таа вакцина влијае врз психофизичкиот развој кај децата. Лекарите велат науката докажала дека нема потреба од двоумење за редовните задолжителни вакцини кај децата.
-„Вакцинацијата кај нас се одвиа уредно, луѓето доаѓаат добро ги прифаќаат вакцините и досега апсолутно немаме никаков проблем. Во оваа ситуација кога е прогласена епидемија на во главниот град, ние кај нас имаме само два случаи на пертусис, меѓутоа тоа се деца коис е вакцинирани и го поминаа во многу блага форма. Од тие причини сакам да апелирам до родителите да не експериментираат да ги носат децата редовно на имунизација од причини тоа што имунизацијата е таа што ги спречила болестите од минатото кои однеле многу животи. Да не се вратиме во онаа ситуација пред многу години“, вели д-р Божана велкоска.
Ризикот за заболување кај невакцинираните деца е голем, често пати тие имаат и тешка клиничка слика. Лекарите, велат во тек е вонредна вакцинација, ги повикуваат родителите да ги имунизираат своиуте деца со дозите од вакцини кои им се пропуштени.
– „Има деца коишто не може да примат тоа ги викаме состојби кои се во моментот , кои што имаат минлива контраидникација, меѓутоа има и деца кои имаат трајни контраидикации, меѓутоа за нив одлучува засебна комисија, а не ние. Комисијата по индикација ќе каже дали некое дете смее или не смее, меѓутоа тие деца се многу ретки. Ние прво пред да го вакцинираме детето правиме комплетен преглед и доколку постои и најмало сомнение за акутна инфекција ги одложуваме на неколку дена и доколку е се во ред ќе си прими вакцина без преоблем“, додава Велкоска.
Изминатиов период во Охрид не е регистрирани ниеден случај на голема кашлица, а во Струга имало само еден.
Новинар Соња Рилковска