На планинскиот превој Пресека и кон Ќафасан на сила е забраната за движење на тешки товарни возила.
На планинскиот премин Пресека е забранет сообраќајот на тешки товарни возила, поради врнежи од снег.Забраната, како што соопшти „Македонија пат“, е воведена 13.50 часот.Денеска напладне беше воведена забрана за сообраќај на тешки товарни возила и на патот Струга – граничен премин Ќафасан.Претпладне, во 10:15 часот, беше воведена забрана за камиони и на патот Маврово – Дебар. Поради појава на магла видливоста е намалена до 100м на планинскиот премин Стража и 30м до 40м на планинскиот премин Ѓавато.АМСМ потсетува на законската обврска за задолжително поседување на зимската опрема во возилата, која без оглед на временската состојба, трае до 15-ти март 2018 годинава.