ВЕВЧАНИ – Интензивно се одвиваат градежните работи за реконструкција на локалната улица „Костојчини“, проект што го најави градоначалникот Спасе Кочовски.
На терен веќе е ангажирана механизација, а според фотографиите, се врши отстранување на стариот коловоз и подготовка за нова инфраструктура.
Со овој зафат е предвидено:
- целосна реконструкција на долниот и горниот строј на улицата,
- како и изведба на нова подземна мрежа за јавно осветлување.
Локалните власти очекуваат со реализацијата на проектот значително да се подобрат условите за сообраќај и квалитетот на живот на жителите во овој дел од Вевчани.