Во синоќешната акција, дебарската полиција запленила 30 килограми марихуана.
Синоќа околу 20,00 часот, на регионалниот пат Дебар-Маврово, во близина на Мелнички мост, сопрено е патничко моторно возило „Цитроен“, со скопски регистарски ознаки управувано од Ќ.М.(63) од скопско Арачиново.
-При преглед на возилото, полициските службеници пронајдоа и одзедоа три јутени вреќи со околу 30 килограми марихуана. Ќ.М. е приведен а по дополнително преземени мерки, на граничниот премин „Блато“, во близина на Дебар, приведени се и албанските државјани Д.Ц.(41) и А.М.(45), изјави Стефан Димоски, портпарол на СВР Охрид. Додава дека по наредба на надлежен Јавен обвинител, приведените лица се задржани во полициската станица во Дебар за натамошна постапка.