Пожарот во Едриличарскиот клуб предизвика милионски штети.
Во пожар што попладнево околу 17 часот избувна на машата плажа во центарот на Струга, целосно изгоре хангарот на Едриличарскиот клуб „Снегар“.
Пожарот е локализиран, а во пепел отидоа 33 пловни објекти, 4 мотори и целокупната документација на клубот.Споре одредени информации, штетата може да изнесува и до 300 000 евра. Од пожарот двете противпожарни екипи успеале да спасат само две едрилици. Брзата интервенција на Струшките пожарникари спречи поголема катастрофа, и не дозволи проширување кон други објекти. Нема повредени цивили, а еден пожарникар е хоспитализиран поради труење од чад. Командирот на Територијалната против-пожарна единициа Ристе Талевски за МИА информира дека е опожарен цел хангар каде што беше сместен Едриличарскиот клуб и предизвикана е голема материјална штета.
– Интервениравме со две против-пожарни возила и 13 пожарникари. Предизвикана е огромна материјална штета, но за среќа нема повредени цивили. Поради вдишување чад еден пожарникар е хоспитализиран, изјави Талевски.