Вредна донација за охридската противпожарна единица.
-„Во рамки на своите активности насочени кон меѓународна соработка со институции и организации со сродни дејности, Црвен крст Охрид во соработка со Проптипожарната единица Doetinchem, Холандија обезбеди донација за Територијалната противпожарна единица во Охрид која се состои во специјализирана опрема, заштитни шлемови, одела и чизми“, информираат од Црвеникот крст Охрид.
Дополнително во противпожарната единица ќе бидат донирани 50 ќебиња и 50 душеци од хуманитарното друштво „Свети Наум Охридски“ од Мелбурн Австралија.
Донацијата, во присуство на градоначалникот на Охрид ќе биде доделена на ТППЕ Охрид, денес во 13:30 ч. во просториите на ТППЕ.