Во недела повторно протест на охридскиот плоштад

Граѓанската иницијатива „Македонија пред се“ ве известува дека на ден 13.05.2018 г. (недела) на градскиот плоштад во Охрид во 12:00 часот ќе го одржи седмиот по ред од серијата народни протестни собири против злоупотребата на државните институции од страна на власта а на штета на македонскиот народ и држава.

Протестот ќе биде заеднички, во организација на двете граѓански иницијативи „Македонија пред се“ од Охрид и „Доста е партија,сите за Македонија“ од Битола и ќе се одвива во двата града.Во Охрид во 12:00 часот на градскиот плоштад односно во Битола во 18:00 часот на плоштадот „Магнолија“.По тој повод граѓанската иницијатива „Македонија пред се“ ги повикува сите охриѓани и пошироко кои се во можност да се самоорганизираат да дојдат во Битола во 18:00 часот и да ни се придружат.