Заедно со претседателските, на 21 април,во Охрид ќе се одржат и локалните избори.
Според спикерот Талат Џафери, до 8 февруари ќе се распишат претседателските избори,на 21 април би можел да се одржи првиот круг, а на 5 мај вториот изборен круг. Според Џафери, во три општини, меѓу кои и Охрид, ќе има и локални избори во исто време со претседателските избори. На 12 мај истекува мандатот на претседателот Ѓорге Иванов и на тој ден, за да се обезбеди континуитет, Џафери смета дека треба да се обезбеди инаугурација на новиот претседател и да се обезбедат сите околности и рокови за да се заврши процедурата.
Имајќи предвид дека во три општини има вршители на должноста, во една поради оставка на градоначалникот на Ново Село, а во Дебар и Охрид поради смрт на градоначалниците, потребно е да се распишат локални избори за нови градоначалници.
„Се следат роковите и истиот ден кога ќе биде изборот на претседател, ќе се гласа и за избор на градоначалници во овие општини“,изјави Џафери.