Ново граѓанско движење на Египќаните во Охрид

После напуштањето на ПОЕН, Вахид Мемед основа ново граѓанско движење на Египќаните во Охрид.

Граѓанско движење Обединета алтернатива на Египќаните е новата форма на делување на припадниците од  овој етникум. 

Синоќа се одржа основачкото собрание на кое присуствуваа голем број Египќани. 

-„Станува збор за нова опција за обединување. Ново движење кое конечно ќе ги придвижи работите од мртва точка. Движење кое веруваме дека ќе донесе успех и развој за нашата етничка зедница. Имаме јасна визија и цел,  а тоа е напредок и просперитет,  подобро утре за сите “, вели Мемед за Охриднет. 

Граѓанското движење ќе делува како неформално граѓанско политичко движење кое претендира да прерасне  политичка партија.

На следните претседателски и градоначалнички избори Обединета алтернатива на Египќаните ќе настапи во коалиција со ДУИ.

Од име на коалициониот партнер, ДУИ  се обрати советникот Нефи Усеини кој го поздрави обединуванјето преку движењето и заедничката борба за подобра перспектива и интеграција  на граганите Египќани и другите заедници во Охрид. 

Инаку Вахид Мемед пред неколку денови поднесе неотповиклива оставка од политичката апртија ПОЕН, каде беше претседател од самото основање. 

Фотографии: