Последен ден од кампањата за претседателските и предвремените локални избори.
Кандидатите за претседател на државата, Стево Пендаровски и Гордана Силјаноска-Давкова како и за градоначалник на Охрид Митре Милошески и Константин Георгиески, ги користат последните часови да ги убедат граѓаните на 5 мај да го дадат гласот за нивните програми. Секој од кандидатите се надеваат на победат в недела, на вториот круг од изборите. На единствениот избирачки список во Општина Охрид за избор на градоначалник се запишани 52.273 гласачи, а за претседател 52.193. Разликата е поради гласачите од дијаспората.Во општина Охрид ќе се гласа на 88 избирачки места. Претседателските избори ќе се спроведуваат на 3.480 избирачки места во 80 општини и Градот Скопје и на 32 во странство. Право на глас имаат 1.808.131 граѓани.За изборите да бидат успешни, потребно е во вториот изборен круг на 5ти мај да излезат најмалку 40 насто од запишаните гласачи или нешто повеќе од 723.000 избирачи.