Во време на пандемија јавните претпријатија во Струга мака мачат да обезбедат плата за вработените.
Струшкото комунално претппријатие за месец март на работниците првично им подели само по 7000 денари , а во мај едвај им ја доисплати целата плата. Иста е состојбата и во ЈП „Водовод и канализација“ и таму вработените земаат плата на рати.
Директорите, кои не сакаа да зборуваат пред камера , велат поради пандемијата се соочуваат со двојно намалени приходи од наплата на сметки од граѓаните, хотелите, угоститеските објекти и компаниите. Од општина Струга велат им помагаат на јавните претпријатија.
–„Повеќе пречки и проблеми имаше Јавното Комуналното претпријатие. Покрај тоа што го имаме предвидено во буџет им пуштивме плус три милиони денари и сега спремаме два милиони за да им се излезе во пресрет на вработените“ , вели Дашмир Насуфи кабинет на градоначалникот на општина Струга.
Струшката ВМРО ДПМНЕ обвинува, кризата е поради лошо менаирање од страна на власта.
–„Вработените во ЈП се оставени на милост и немилост, со скратени плати а од друга страна општината не сака да ги скрати непродуктивните трошења привремените вработивања и скапите кирии кои ги плаќаат јавните претпријатија“,вели Мирче Аиоски претседател на ОК на ВМРО ДПМНЕ Струга.
Во струшкото комунално претпријатие наплатата е само 20% , додека во ЈП Водовод, приходите за март и април во однос на лани се намалени за 40%. Директорите не знаат како ќе обезбедат плата и за април , најавија дека ќе бараат и помош од државата и општината.
Новинар Соња Рилковска