Кај албанси државјанин пронајдени 2 килограми марихуана.
Вчера, по добиени сознанија за вршење на транспорт на дрога од страна на Т.С.(31) од Република Албанија, полициски службеници од Надворешната канцеларија за криминалистички работи Струга презеле мерки и активности, при што околу 15.50 часот, Т.С. бил затекнат на автобуска станица во Струга.
–Полициските службеници извршиле преглед на Т.С. и во неговиот багаж била пронајдена кеса со марихуана со тежина од околу 2 кг. која е одземена и пратена на вештачење. Тој е лишен од слобода и задржан во полициската станица Струга за понатамошна постапка, информира Стефан Димоски, портпарол на СВР Охрид.