Во НУ Библиотека „Григор Прличев“ – Охрид успешно се реализираат бесплатни часови по англиски јазик за деца и возрасни, кои предизвикаа голем интерес кај граѓаните.
Часовите за деца, насловени „Storybook Studio“, се наменети за деца од 6 до 11 години. Почетокот на курсот е закажан за 16 септември, среда, од 12:30 до 13:30 часот.
Бесплатните часови за возрасни се наменети за сите кои сакаат да стекнат основни познавања по англиски јазик или да го обноват претходно стекнатото знаење. Часовите започнуваат на 17 септември, четврток, од 17:00 до 18:00 часот.
Програмата ја води Дени Хамилтон, волонтерка на Мировниот корпус на САД, со TESOL сертификат и искуство во работа со ученици, во координација со Елена Станкоска, виш библиотекар.
Заинтересираните можат да се пријават на телефонскиот број 071/499-076, кај Елена Станкоска.
Од НУ Библиотека „Григор Прличев“ ги повикуваат сите заинтересирани да ја искористат можноста за бесплатно учење и усовршување на англискиот јазик.