Брачен пар од Охрид наместо подароци побарале детски играчки!

Хуманоста е љубов,… млад брачен пар од Охрид наместо свадбени цвеќиња, торти и бонбони од гостите  побарале  да им носат детски играчки!

-„Цвеќињата и бомбоните нека се во форма на детски играчки за да ги израдуваме дечињата од дневните центри..“пишуваше на свадбените покани на Александра и Љупчо кои ја реализираја свадбената веселба на 05 Мај годинава.

Интересно е што љубовта на овие две хумани срца се родила  токму на хуманитарна акција кога и двајцата биле волонтери.

Собраните играчки вчера  ги донираа во Дневниот центар ,,Зраци,, дневниот престој ,,Добротољубие,, и во детското одделение при Општа болница Охрид .

-„Им посакуваме вечна љубов и дар од Бога . Хуманоста е заразна!, вели Анета Вршкоска која ги придружуваше младите во делењето на подароците.

Фотографии: