И денеска портокалова фаза во Македонија. Времето низ земјава ќе биде сончево и многу топло. УВ индексот ќе има вредност 9.
Утринската температура ќе се движи од 14 до 22 степени, а дневната од 32 до 40 степени. Времето во Охрид денес до 31 степен а утре и до 35 степени. Од сабота се очекува благо намалување на температурите. Максималната дневна ќе биде до 28 односно 29 степени.
Во недела ќе дува засилен северен ветер, а дневната температура значително ќе се намали, на места и за повеќе од 10 степени во однос на сегашната. Од понеделник ќе биде стабилно со постепен пораст на дневната температура, но во рамките на просекот за овој период од годината.
Од Министерството за здравство информираат дека препораките за заштита од топлотниот бран сѐ уште се во сила.