СВР Охрид поднесе кривична пријава против С.Т.(20) од охридското село Велгошти, поради постоење основи на сомнение за сторено казнено дело „загрозување на сигурноста“.
Тој, на 24.12.2020 година, телефонски упатил сериозни закани по животот кон припадник на шумската полиција од Охрид, кој претходно, извршувајќи работни задачи, му одзел бесправо сечени и нежигосани дрва, информира портпаролот на СВР Охрид Стефан Димоски.