Околу 15.30 денеска, голем пожар избувна во шумскиот појас над струшкото село Деложошда, Огнените јазици најнапред се појавиле во густата шума кај месноста „бегова шума“ во близина на патот кон селото Поум, по што за брзо време се проширил на целото подрачје.
Екипи на струшката противпожарна бригада со помош на месното население, се борат со големиот пожар. Дознаваме дека ветерот што силно дува на тој дел, ја отежнува акцијата за локализирање на пожарот и значително ги спречува пожарникарите кои, во гаснењето на пожарот треба да внимаваат и на сопствените животи.Според пожаникарската служба од Струга, ова е прв поголем пожар летово на отворен простор.