Наместо преполни со групи туристи осумте музеи во Охрид, поради пандемијата два месеци под клуч.
Куќата на Робевци, Галеријата на икони, Музејот на вода, куќите на Прличев и Узунов, културно историските споменици Самоиловата тврдина, Античкиот театар и археолошките локалитети лани имаа рекорден број на посетители.
Годинава штетите се големи, туристичките посети се одложени за јули и август.
–„Имавме пораст секоја година бројот на посетители се големуваше, Посетеноста од година во година бележи пораст се надеваме дека и оваа сеозна ќе имаме добра посетеност поради тоа што групите кои што беа зажани, како странските така и домашните туристи ги презакажаа турите, не се откажани така да се надеваме на добра туристичка сезона и добра посетеност на објектите“, вели Даниела Неделковиќ директор на Завод и музеј Охрид.
Штетите се огромни и во Дебарско кичевската епархија, бидејќи во сите цркви прогласени за културно историски споменици се наплатуваат влезници. Најпосетени лани беа Света Софија, Канео, Светиклиментовиот храм на Плаошник , Богородица Перивлепта и манастирот Света Наум Охридски.
– „Со новонастанатата ситуација, за жал со корона вирусот оваа година процентот на посетеност е нула во однос на лани. Да се надеваме дека за скоро време ќе го надминеме заедно сите ова искушение и повторно ќе очекуваме голема посетеност како на странски така и на домашни посетители , вели Илија Ристески претставник од дебарско кичевската епархија.
Се чекаат инструкции од владата кога ќе се отворат градските музеи. Истите, првенствено ќе бидат дезинфицирани, а надлежните велат подготвени се да ги почитуваат препораките, држење социјална дистанца и носење заштитни маски.
Новинар Соња Рилковска