Не стивнува проблемот со бездомните кучиња во струшкиот регион. Граѓаните се жалат на глутниците, кои ги има речиси насекаде во градот.
Не се чуствуваат безбедни, често се случува кучињата да манифестираат агресивност.
-„Има многу по дваесет кучиња да се плашиш да излезиш. И тие што спортуваат и оние кои што излегуваат со деца не дај Боже некое дете да нападнат Бог да чува. И мене ми се случило по дваесет ми се пуштиле“ , вели еден стружанец.
Особено загрижува присуството на кучиња од големите раси, од нивниот лаеж и трчање низ градските улици секојдневно стравуваат жителите.
Најкритично е на спортско рекреативната патека во Струга токму за таму има најмногу поплаки од страна на стружани од бездомните кучиња.
Од општина Струга велат во план е изградба на стационар за згрижување на бездомните кучиња.
– „Централната власт ни испрати дописв о кој ни даде насоки дека сите кучиња треба да се евидентираат да се регстрираат и на тој начин ќе постапиме по нивните насоки“, вели Дашмир Насуфи шеф на кабинет на градоначалникот во Струга.
Во полицискиот билтен постојано се регистрираат напади од страна на бездомни кучиња. Само изминативе два месеци има десетина искасани и повредени граѓани.
Само во Струга процесуирани се дваесетина тужби од нападнати граѓани до Комуналното прептпријатие.
Новинар Соња Рилковска