Кривичниот суд го одобри обвинението за настаните во Собранието на 27-ми април минатата година.
Тројца судии на кривичниот суд во Скопје на нејавна седница го одобрија обвинението за настаните од крвавиот четврток, соопшти кривичниот суд. Тоа значи дека на обвинителна клупа за терористичко загрзоување на уставниот поредок и безбедноста седнуваат ексдиректорот на Бирото за јавна безбедност, Митко Чавков, како и петте пратеници на ВМРО-ДПМНЕ: Крсто Мукоски, Љубен Аранудов, Јохан Тарчуловски, Сашо Василевски и Љупчо Димовски. Вкупно обвинети за крвавиот четврток во собранието се 30 лица од кои 28 се товарат за терористичко загрозување на уставниот поредок, а двајца ќе одговараат за помагање.