Охрид ќе биде исполнет со туристи за Новогодишните празници.
Цените на хотелските аранжмани за новогодишните празници слични на изминатите години, со цени до 160 евра за три дена со свечен дочек на Новата година, зависно од понудата и категоријата на објектот.
Речиси распродадени се сместувачките капацитети на хотелите „Инекс“, „Силекс“, „Гранит“, „Метропол“, „Белви“, „Милениум Палас“, а најбројни и овојпат ќе бидат гостите под соседството, пред се Бугарија и Србија. Ќе има и гости од Црна Гора, Косово, Грција, како помал број гости од Полска, Словенија, Турција.
Организирано Новата година ќе се чека и во охридски ресторани, со цени слични на минатогодишните, до 50 евра со богато мени и неограничен пијалок. Има и поевтини понуди, но зависно од бројот пијалоци, понудата, забавата, реномето на локалот. Дел од угостителите ќе работат според варијантата на отворен влез, со редовни цени на храната и пијалоците.
Забава ќе има и во ноќните барови и кафулињата кои одат со најразлилни понуди. Како пример, „Ликвид“ новогодишната забава ја нуди за 999 денари со влез, апетисани, овошје, два пијалоци и одлична забава.