Триесетгодишниот Тоше Илиевски од Скопје боледува од тешка болест и итно му се потребни финансиски средства за лекување во Турција.
Младите охридски музичари во недела организираат хуманитарна акција на охридскиот плоштад.
-„Хуманитарна акција на охридските музичари. НЕДЕЛА 17.03.2019 од 12 до 15 часот на плоштадот во Охрид ние ќе свириме за Тоше а се надеваме дека Охриѓани пак ќе се покажат хумани како и секогаш и ќе донираат за Тоше на кого му е потребна финансиска помош за лекување во странство. Добредојдени се сите музичари кој сакаат да се приклучат со нас недела на плоштадот. Ќе настапат членови од групите Сарај, Зарина, Броз и многу други индивидуални музичари“, информираат на социјалните мрежи.
Сите хумани граѓани кои сакаат да помогнат може да донираат на телефонските броеви или на банкарските сметки испишани на банерот.
Да бидеме хумани Охрид за Тоше од срце!