Општина Охрид објави јавен оглас за вработување на две лица на неопределено време, и тоа за работните места хигиеничар и курир.
Огласот предвидува вработување на еден извршител за работното место хигиеничар и еден извршител за работното место курир.
За двете работни позиции кандидатите треба да бидат државјани на Република Северна Македонија, полнолетни, активно да го користат македонскиот јазик, да имаат општа здравствена способност за работното место и со правосилна судска пресуда да не им е изречена забрана за вршење професија, дејност или должност.
За работното место хигиеничар, кандидатите треба да имаат завршено најмалку основно образование, со или без работно искуство во струката евидентирано како работен стаж во Агенцијата за вработување.
За работното место курир, потребно е кандидатите да имаат завршено најмалку средно образование, исто така со или без работно искуство во струката евидентирано во Агенцијата за вработување.
Како потребни работни компетенции се наведени учење и развој, комуникација, остварување резултати и тимска работа.
Повеќе информации за начинот на аплицирање, потребната документација и роковите за пријавување се достапни во јавниот оглас објавен од Општина Охрид.