Со свечено дефиле низ струшките улици вечерва на платото пред Центарот за култура „Браќа Миладиновци“ во Струга започнува меѓународниот фолклорен фестивал „Фолклорен мост“.
Преку песни и игри, ќе бидат презентирани фолклорните традициии и културните особености на учесниците од сите земји.
На годинашното издание на фестивалот ќе учествуваат фолклористи од Македонија и од повеќе земји од Балканот.
Манифестацијата финансиски е поддржана од Министерството за култура.