Вакцинацијата против сезонски грип отпочнува утре.
Во охридскиот Центар за јавно здравје, утре отпочнува вакцинирањето за сезонски грип, предвидено е и вакцинирање во домашни услови. Вакцинацијата е единствена превентивна заштитна мерка против грип и се препорачува за лицата над 65 години, особено хронично болните лица, мали деца под три години со намален имунитет, здравствени работници, лица со кардиоваскуларни и респираторни заболувања, како и воопшто за лица со намален имунитет. Вакцината против грип е незадолжителна и се дава на доброволна база. Вкцините против сезонски грип чинат 400 денари, како и минатите години.