Зијадин Села, претседател на ДПА-ДР, повторно ќе се кандидира за градоначалник на општина Струга.
Тој ќе се откаже од пратеничкото место доколку успее да победи на претстојните локални избори со што ќе има многу куса кариера во македонското Собрание барем гледано според овој мандат, пишува Фактор.мк.
Посакуваниот трансфер од законодавната во локалната власт Села го прави со цел да обезбеди поголем број на градоначалнички мандати за ДПА-ДР која е дел од пошироката коалиција на партии Алијанса за Албанците.
Претходно и министерот за здравство Арбен Таравари реши да се повлече од неодамна стекнатата функција во извршната власт за да и помогне на партијата на локалните избори во Гостивар каде ќе бара градоначалнички мандат.