Возач на товарно возило е повреден во сообраќајката.
Вчера во 13.00 часот, на кружна крстосница во близина на хотел во Струга, случена е сообраќајна незгода помеѓу патнички автомобил „Ауди“ со прилепски регистарски ознаки управуван од Р.С.(41) од струшкото село Ливада и товарно возило „Форд Транзит“ со скопски регистарски ознаки, управувано од Б.К.(53) од селото Корошишта.
– Во незгодата, со повреди се здобил возачот на товарното возило а увид на местото на незгодата извршија полициски екипи, информира Стефан Димоски, портпарол на СВР Охрид..
Портпаролот Димоски апелира до возачите и другите учесници во сообраќајот, да бидат исклучително внимателни и да ги почитуваат сообраќајните правила и прописи како начин да се избегнат сообраќајните незгоди.
