Од 7.45 камионите повторно сообраќаат кон Ќафасан.
Во 07.45 часот е укината забраната за сообраќај за тешки товарни возила на патниот правец Струга – граничен премин Ќафасан, информира АМСМ.Сообраќајот на државните патишта се одвива по влажни коловози со остатоци од кашест снег на коловозот по интервенција на дежурните екипи на ЈП Македонија Пат.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.
Од 08.15 ч за сообраќај преку планинскиот превој Ѓавато ЗАДОЛЖИТЕЛНО е употреба на зимска опрема (ланци).
ЗАБРАНИ ЗА СООБРАЌАЈ НА ТТВ: Забраните за сообраќај за тешки товарни возила на патните правци крак Маврово – Дебар и Гостивар – Кичево преку Стража се уште се на сила.